°°ღღ الجميله والحشكبولي الصغير ღღ°°

فى يوم من الايام اللى مطلعتلهاش شمس دخلت و احدة زى القمر مطعم شيك ومحترم وكان معاها شنطة صغيرة فيها علبة صغيرة دخلت و قعدت ،

و ندهت على المتر : بس بس بس انت يا متر .
المتر جه و هو راجل محترم ابن ناس كدة بس الزمن جار عليه و اشتغل متر بعد ماعيلته فلست و باع عربيته و متجوزش البت شلبية اللى كان بيحبها المهم مش دة موضوعنا ،
قالها : أأمري يا هانم .
قالتله : عايزة واحد سكلوب و واحد سلطة .
قالها : بس كده .
قالتله : لا و كمان عايزة 2 جوز حمام و 3 كيلو كباب و فرختين .

الراجل عينيه و سعت و قال بس هنعمل شغل النهاردة ،

و قالها : بس كل ده كتير يا هانم انتى مستنية حد ؟

قالتله : لا الكباب و الحمام و الفراخ للحشكبولى الصغير .

الراجل بص للسقف وقال :حشكبولي؟
المهم قالها : تحت امرك



***



الراجل مشى وعمال يفكر مين الحشكبوللي الصغير ده انا مش شايف معاها حد ،

جاب الطلبات و مشى و قعد مستنى يشوف مين الحشكبوللي الصغير ده ،

الست قعدت تاكل فى الاسكلوب و السلطة و سابت الباقى لحد ما تخلص ،

الراجل قال اكيد لسه الحشكبولى موصلش ،

المهم الست خلصت و طلعت العلبة الصغيرة و قعدت تدخل الاكل جوة العلبة والراجل قاعد يتفرج ودماغه هتشت ،

الست تدخل الاكل و الاكل بيخلص و تدخل الاكل و بردة عمال يخلص وهى تتدخل الاكل و عمال يخلص .. المهم الاكل خلص ،

***

خدوا بالكوا 3 كيلو كباب و 2 جوز حمام و فرختين ،

و قالتله : بس بس بس انت يا متر .

الراجل راحلها بعد ما عينيه احوّلت وقالها : تحت امرك يا هانم .

قالتله : معلش اصل الحشكبولي الصغير لسه ماشبعش ياريت تجبلى كمان 3 كيلو حمام و 2 جوز حمام و فرختين .

المتر قالها : انا امرك تحت يا فندم .
و مشى وهو بيعرج و جاب الاكل و حصل نفس اللى حصل و الست تتدخل الاكل فى العلبة و الاكل يخلص ،
راحت ندهتة تانى و راح الراجل قالها : اكيد الحشكبوللى لسه مشبعش اصل انا عارفة طفس .

قالتله : وانت تعرفوا منين دة محدش شافوا قبل كدة امشى يلاّ هاتلى 2 دستة جاتوة و فرووت سلات و 3 ام على علشان الحشكبوللى الصغير عايز يحلّي ،


***

الراجل مشى و هو بيدعى على نفسه و يلعن اليوم اللى اتولد فيه وقال عليّا الطلاق من البت شلبية اللى ماتجوزتهاش ما انتى ماشية قبل ماعرف العلبة دي فيها ايه ،

و جاب الحاجة والست طبعا قعدت تدخل الاكل العلبة لحد ما الاكل خلص و ندهت المتر و قالتله : الحمام فين عايزة اغسل ايدى ،

الراجل ورّاها الحمام و قال بس فرصة افتح العلبة واشوف فيها ايه ،

المهم مكدّبش خبر و اول ما الست راحت الحمام راح يفتح العلبة ،

بيفتــــــــــــح العلبة و بص فيها ،

!!!!!!!!!!!!!!!
























[ندعوك للتسجيل في المنتدى أو التعريف بنفسك لمعاينة هذه الصورة]لقى حشكبولي صغيّر [ندعوك للتسجيل في المنتدى أو التعريف بنفسك لمعاينة هذه الصورة]



** الشتيمة حراااااااااااااااام [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههه
انا مش قادره
يخربيت دى فكره تيت يازفته
ههههههههههههههههههههههههههههههههههههههه
هههههههههههههههههه
رخمممممممممه
جامده تسلم ايدك ههههههههههههههههههه